Powered by Site Search+ Wix Search bar button box
PRAISE & WORSHIP
Salm 100:2
BAWIPA cu lunglawm tein bia u law
lunglawmhnak hla he a hmaiah cun
ra chuak u.
Johan 4:23-24
23. Sihmanhsehlaw Pathian a bia taktakmi nih
cun thlarau le biatak in an biak caan kha a ra lio
i hika hi a phan cang. Hi bantukin a biami hna hi Pa nih a duhmi cu an si.
24. Pathian cu thlarau a si i a biatu hna nih cun thlarau le biatak in an biak awk a si,” tiah a ti.
Hebru 13:15
Cucaah Pathian cu thangṭhat zungzal ko u sih. Cu thangṭhatnak cu Jesuh min kan kaa in kan phuan kha a si i cucu Jesuh thawngin Pathian sinah kan pekchanhmi kan raithawinak a si.
Kolose 3:16
Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u

Salm 117:1-2
1. Miphun vialte hna, BAWIPA cu
thangṭhat u!
Mi vialte hna, amah cu thangṭhat u!
2. A kan dawtnak fek cu a ṭhawng i
zumhawktlak a sinak cu
zungzal in a hmun.
BAWIPA cu thangṭhat u!
Salm 95:1-6
Ra u law BAWIPA cu thangṭhat u sih.
Kannih a kan khamhtu Lungpi cu
lunglawmhnak in hla in
thangṭhat u sih.
2- Lunglawmhnak in amah hmaiah
chuak u sih law
lawmhnak le thangṭhatnak hla
sa u sih.
3-Zeicahtiah BAWIPA cu a ṭhawngmi
Pathian a si,
pathian dang vialte cung
siangpahrang ṭhawng a si.
4-Vawleicung vialte hi amah nih
a uk dih,
lungkua thuk bik in tlang sang bik
tiang a uk dih hna.
5-Amah nih a sermi rili kha a uk i
amah nih a sermi vawlei zong kha
a uk fawn.
6-Ra tuah u, kun u sih law bia u sih;
a kan Sertu BAWIPA hmaiah cun
kan khuk i bil u sih!
Salm 100:4
A kutka chungah cun lawmhnak he
lut tuah u,
a tual ah cun thangṭhatnak hla he
lut tuah u;
amah cu lawm u law
thangṭhat tuah u
Efesa 5:19
Hla dawh in pakhat le pakhat i chawn u; Bawipa cu hla le aw dawh in nan lung taktak in thangṭhat u
Salm 30:11-12
11-Ka ngaihchiatnak cu
lunglawmh lamnak ah
na ka thlenpiak cang,
ka mithi ngaihnak puan cu
na ka lakpiak i
lunglawmhnak puan kha na ka pek.
12-Cucaah dai tein ka um lai lo;
nangmah cu kan thangṭhat ko lai.
BAWIPA, nangmah cu ka Pathian na si,
a zungzal in kan thangṭhat lai.
Salm 96:1-7
BAWIPA cu hla thar in thangṭhat u,
vawlei mi vialte hna, BAWIPA cu
hla in thangṭhat u!
2-BAWIPA cu hla in thangṭhat u,
a kan khamhnak thawng ṭha kha
nifate in chim u.
3-Miphun hna sinah a sunparnak kha
thanh u, mi vialte kha
thil lianngan a tuahmi cu
chim hna u.
4-BAWIPA cu a lian a ngan i sang piin
thangṭhat awk a si;
pathian dang vialte nakin ṭih awk
deuh a si.
5-Miphun dang hna pathian cu
siasal men an si,
sihmanhsehlaw BAWIPA nih cun
van khi a ser hna.
6-Sunparnak le rumra cu a velchum ah
an um i
lianhngannak le dawhnak cu
a biakinn chungah an um.
7-Vawleicung mi vialte hna, BAWIPA cu
thangṭhat ko u,
a sunparnak le a ṭhawnnak kha
thangṭhat u.

 

Salm 62:1-12
Pathian lawnglawng kaa bochan,
amah sinin ka khamhnak cu
a ra.
2-Amah lawnglawng hi
a ka hupphengtu le ka Khamhtu
a si,
amah cu ka ralhruang a si i
ahohmanh nih an ka tei bal lai lo.
3-Aa sawnmi vampang bantuk le
baohmi hau bantuk a simi pa cu,
nannih nih nan dihlak in
zei can dah nan doh lai i
thah nan i zuam lai?
4-Nan duhmi cu upatnak hmun i
a ṭhutnak khan ṭhumh hi a si ko i
lihchim zong hi nan duh hringhranmi
a si fawn.
Nan kaa cun thluachuahnak bia
nan chim,
sihmanhsehlaw nan lungchung cun
chiat nan serh.
5-Pathian lawnglawng kha kaa bochan,
amah lawnglawng kha
kaa ruahchan.
6-Amah lawnglawng hi
a ka hupphengtu le Khamhtu a si,
amah cu ka ralhruang a si i
ahohmanh nih an ka tei bal lai lo.
7-Khamhnak ka hmuhmi le upatnak
ka hmuhmi cu
amah thawng lawnglawng in a si;
amah cu a ṭhawngmi lungpi
ka him a si.
8-Ka mi hna, Pathian cu i bochan zungzal u!
Amah cu kan himnak a si caah nan
harnak vialte kha chim dih u.
9-Mi vialte hi thaw bantuk menmen
an si,
a thi khomi minung hi zeihmanh
an man lo.
Cuaithlainak cungah chia hna u law
zeihmanh an tlai lai lo,
thaw nak hmanh in an zaang deuh.
10-Zaangṭhawnnak le puarhrannak hi i
bochan hlah u,
mi thil chuh khawh hi i ruahchan hlah u;
na rumnak hi karh lengmang
hmanh seh law i bochan hlah.
11-Pathian nih, ṭhawnnak cu keimah ta
a si i
dawtnak ka ngeihmi cu a fek,
12-a ti kha voi khat nak tam ka theih.
BAWIPA, nangmah hrimhrim nih mi cu,
an rianṭuanning in
na lehrulh ko hna

Salm 42:1-11
1-Sazuk nih rial tidai a ngaih
bantukin
Maw Pathian nangmah cu kan ngai.
2-Maw a nungmi Pathian, nangmah cu
tihal in kan hal;
zeitik ah dah na umnak ah ka hun
khawh lai i kan biak khawh lai?
3-Chun nitlak zan khuadei in ka ṭap i
ka mitthli lawng kha ka rawl cu
a si ko;
ka ral nih, “Na Pathian cu
khuazei ah dah a si kun?” tiah
atu le atu an ka ti lengmang.
4-Hlanlio kong kha ka ruah tikah
ka lung a leng;
Pathian inn i mi zapi he
kan rak kal i
kan kal tikah keimah i
ka rak hrui hna i
Pathian thangṭhat in lunglawm le
thanuam in
hla kan rak sak i kan rak au kha
ka ruah tikah ka lung a leng hringhran.
5-Zeicahdah ka ngaih a chiat?
Zeicahdah ka lungre a theih?
Pathian cu kaa bochan ṭhan lai i
ka Khamhtu le ka Pathian cu
ka thangṭhat ṭhan lai.
6-Ka lungre a thei,
cucaah cun amah cu
ka hngalh ṭhan;
kaa thuhnak Jordan tiva hrawn,
Hermon Tlang le Mizar tlang
pawngah amah cu
ka hngalh ṭhan lai.
7-Tithuk nih tithuk kha a chawnh;
Pathian tisor cu a huk in an huk!
Annih cu ka nunnak a leh chihtu
ngaihchiatnak tilet an si.
8 -BAWIPA nih a dawtnak fek cu nifa
kan sinah langhter ko seh!
Amah cu zan fate in hla in
thangṭhat ning law
ka nunnak a ka pe ṭhantu Pathian
sinah cun thlacam ko ning.
9-Pathian ka lungpi cu ka thawh i,
“Zeicahdah na ka philh?
Ka ral nih an ka hremnak hi
zeicahdah ka in zungzal ko lai?
10-An ka nihsawhnak nih
a ka hrilh cang,
annih nih, ‘Khuazei ah dah
na Pathian cu a um kun?’ tiah
an ka ti chih lengmang,” ka ti.
11-Zeicahdah ka ngaih a chiat?
Zeicahdah ka lungre a theih?
Pathian cu kaa bochan ṭhan lai i
ka Khamhtu le ka Pathian cu
ka thangṭhat ṭhan lai.
1 Chanrelnak16:29
BAWIPA cu amah min he aa tlakmi
sunparnak cu pe ko u,
Pekchanh awk rak i put u law
a hmaika ah ra chuak tuah u!
Thuam thianghlim in i thuam in
BAWIPA cu bia tuah u,
Jeremiah 31:4
Nannih cu kan tunmer ṭhan hna lai.
Nan tingtang kha nan i lak ṭhan hna lai i
lawmhnak in nan lam ṭhan lai.
Job 21:11 –
An ngakchia tete cu tuurun bangin
an chuak i an lam.

 

Salm 33:2-3
2-Tingtang in BAWIPA cu thangṭhat
tuah u,
hri hra ngeimi tingtang in
thangṭhat u.
3-Hla thar in thangṭhat u,
dawh ngaiin hri hra tingtang cu
tum u law fak piin hla sa u.
Salm 34:1
BAWIPA cu a zungzal in
ka lawmh lai,
amah thangṭhat cu a ngol in
ka ngol lai lo.
Johan 3:16
Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai